Нұр-Сұлтан 17.7°
×
25.05.2022, 21:22
Қызық па? Жаңалықты достарыңызбен бөлісіңіз!

Латвияда гүлдің бірегей сортына «Dimash Qudaibergen» атауы берілді

Димаштың 28 жасқа толуына орай Латвияның «Babite» атты бағында «Dimash Qudaibergen» рододендрон сортының 8 эксклюзивті көшеті алынды. Гүлдер әншінің өзіне және Нұр-Сұлтан қаласының Ботаникалық бағына беріледі, деп хабарлады Elorda.info dimashnews.com сайтына сілтеме жасап.

Латвияда гүлдің бірегей сортына «Dimash Qudaibergen» атауы берілді
Фото: dimashnews.com

Осыдан тура екі жыл бұрын Димаштың латвиялық «Dimash Latvia Dears» фан-клубының өтініші бойынша Балтық рододендрондарының ең үлкен бағында «Dimash Qudaibergen» деп аталатын күлгін-қызыл гүлдері бар осы патша гүлдерінің жаңа сорттары тіркелді.

Сорттың авторы — Латвиядағы рододендрондардың бас селекционері Гунита Рихстин.

Бір жылдан кейін бұл патшалық өсімдіктердің гүлдену кезеңінде 50 мыңға жуық адам баратын латвиялық «Babite» рододендрондар паркінде Димаштың фан-клубының бастамасымен тағы да «Қазақстан бұрышы»  ашылды.

Дәл сол жерде әншінің әжесі Миуа Низамутдинованың құрметіне «Miuaniz» деп аталған бозғылт қызғылт түсті гүлшоғыры бар жапырақты сорттары және Қазақстан Республикасының 30 жылдығына орай алтын-сары гүлдері бар «Qazaqstan» сорты да егілген.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері