Нұр-Сұлтан 14.5°
×
16.05.2022, 21:28
Қызық па? Жаңалықты достарыңызбен бөлісіңіз!

Қазақстанда жыл басынан бері 25 адам суға кетті

Елімізде шомылу маусымы басталмай тұрып 25 адам суға кеткен, деп хабарлады Elorda.info «Хабар 24» телеарнасына сілтеме жасап.

Қазақстанда жыл басынан бері 25 адам суға кетті
фото: ашық дереккөзден

Оның ішінде ересектердің қарауынсыз қалған үш бала бар. Сондай-ақ жеке құтқару құралдарын алмаған 9 балықшы батып кеткен. Төтенше жағдай министрлігінен хабарлағандай, ел бойынша 50 мыңнан астам су айдыны бар. Бірақ оның ішінде адамдар шомылуға жиі баратын 125-і ғана құтқарушылардың жіті бақылауында. Биыл қосымша 45 жылжымалы құтқару бекеттері іске қосылған.

Әрине 50 мың су көзіне біз бүкіл ТЖМ-нің құтқарушыларын қойып қоя алмаймыз. Ойланып қарасаңыз, бүкіл ТЖМ-нің жеке құрамын бәрін алып қосқанда 30 мыңға жетпейді. Сондықтан, бұл жерде ең бірініші халық ағарту жұмыстары, сосын біздің ересектеріміз, әсіресе, ата-аналар біз атап өткен қарапайым қауіпсіздік қағидаларына назар аудару керек, – деді Азаматтық қорғаныс және әскери бөлімдер комитетінің төрағасы Бауыржан Сыздықов.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері