Нұр-Сұлтан 14.5°
×
16.05.2022, 12:11
Қызық па? Жаңалықты достарыңызбен бөлісіңіз!

Жалған автобөлшек сатумен айналысқан топ ұсталды

Алматыда танымал брендтердің атын жамылып, жалған автокөлік бөлшектерін сатумен айналысқан топ ұсталды, деп хабарлады Elorda.info.

Жалған автобөлшек сатумен айналысқан топ ұсталды
фото: ашық дереккөзден

Қаржы мониторинг агенттігінің мәліметінше, контрафактілік қосалқы бөлшектер фирмалық қораптарға салынып, Қазақстанның көлік базарларына таратылған. Тергеу барысында 106 мыңға жуық жалған автокөлік бөлшектері тәркіленді.

Жедел іс-шаралар барысында жалпы сомасы 1,8 миллиард теңгеден аса сомаға «Тойота», «Лексус», «Хюндай», «Хонда» тауар белгісі бар контрафактілік авто бөлшектер қоймасы жойылды. Алматы қаласы бойынша ҚМА аумақтық департаменті қалалық прокуратураның үйлестіруімен жоғарыда аталған тұлғаларға қатысты соталды тергеу амалдарын аяқтады, – делінген хабарламада.

Қазір іс сотта қаралып жатыр. Қаржы мониторингі агенттігі тауар таңбаларының заңсыз пайдаланылуын анықтау және адал бизнесті қорғау бойынша жұмысты жалғастырып жатыр.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері