Нұр-Сұлтан 23.7°
×
13.05.2022, 08:21
Қызық па? Жаңалықты достарыңызбен бөлісіңіз!

Еліміздің алты өңірінде ауа райына байланысты ескерту жарияланды

Синоптиктер еліміздің алты облысында күн күркіреп, қатты жел соғады деп болжам жасады, деп хабарлады Elorda.info «Қазгидромет» РМК-ға сілтеме жасап.

Еліміздің алты өңірінде ауа райына байланысты ескерту жарияланды
Фото: ашық дереккөз

13 мамыр күндіз Солтүстік Қазақстан облысының батысында күн күркірейді. Түнде және таңертең облыстың оңтүстігіне тұман түседі. Оңтүстік-шығыс желі күндіз облыстың солтүстігінде, батысында екпіні 15-20 м/с болады. Петропавлда күндіз оңтүстік-шығыстан жел соғады, екпіні 15-20 м/с жетеді.

Қызылорда облысының шығысы мен оңтүстігінде күн күркіреп, дауыл болады. Солтүстік-батыс бағыттан күндіз солтүстікте, облыс орталығында 15-20 м/с жылдамдықпен жел еседі.

Түнде және күндіз Қарағанды облысының батысында, оңтүстігінде, шығысында найзағай ойнайды. Солтүстік-шығыстан оңтүстік-батысқа ауысатын жел күндіз облыстың батысында, оңтүстігінде, шығысында екпіні 15-20 м/с жетеді.

Батыс Қазақстан облысының шығысында, солтүстік-шығысында найзағай ойнап, бұршақ жауады және дауыл болады. Оңтүстік-батыстан жел соғады, күндіз облыстың солтүстік-шығысында екпіні 15-20 м/с жетеді.

13 мамырда Оралда күн күркірейді. Оңтүстік-батыстан жел соғады, күндіз екпіні 18 м/с жетеді.

Күндіз Алматы облысының оңтүстігінде, таулы және тау бөктеріндегі аудандарында найзағай ойнайды. Солтүстік-батыстан жылдамдығы 15-20 м/с жел соғып, найзағай ойнайды.

Атырау облысында күндіз шаңды дауыл тұрады. Оңтүстік-батыстан, батыстан соққан жел күндіз облыстың басым бөлігінде екпіні 15-20, облыстың батысында 23 м/с, Атырауда күндіз оңтүстік-батыстан соққан жел 15-20 м/с-қа жетеді.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері