Нұр-Сұлтан 9.2°
×
13.04.2022, 15:59
Қызық па? Жаңалықты достарыңызбен бөлісіңіз!

АШМ бағаны тұрақтандыру мақсатында бірқатар шараны қолға алды

Ауыл шаруашылығы министрлігі тарапынан бағаны тұрақтандыру және ішкі нарықта тауарға деген тапшылықты болдырмау мақсатында бірқатар шаралар жүзеге асырылып жатыр. Бұл туралы АШМ Аграрлық азық-түлік нарықтары және ауыл шаруашылығы өнімін қайта өңдеу департаментінің директоры Назгүл Хатепова мәлімдеді, деп хабарлады Elorda.info.

АШМ бағаны тұрақтандыру мақсатында бірқатар шараны қолға алды
Фото: ашық дереккөз

Біріншіден 2021 жылдың қыркүйек айынан бастап күнбағыс майын және күнбағыс тұқымын экспорттауға шектеу шаралары қолданылды. Бүгінде күнбағыс майына деген экспорттық квота 114 мыңды, күнбағыс тұқымына – 125 мыңды құрайды. Сонымен қатар, қаңтар айынан бастап ел аумағынан ірі қара және ұсақ малды экспортқа шығаруға тыйым салу бойынша бұйрық күшіне енді. Бұл бұйрық алты ай бойы күшінде болады. Қаңтар айынан бастап картоп және сәбіз дақылдарын сыртқа шығаруға тыйым салынды. Одан кейін министрлік тарапынан облыс әкімдіктерімен бірлесіп жүргізген жұмыстың арқасында ішкі нарықтағы картоп пен сәбіздің қажетті қорларының бар екеніне көз жеткізілгеннен кейін осы тыйым шаралары квоталау шараларына ауыстырылды. Бүгінде картоп дақылына квота 144 мың тоннаны құрайды. Ішкі нарықта картоптың қажетті көлемі бар. Қазіргі кезде бағаның маусымаралық жоғарылауы байқалады, бірақ ішкі нарықта көкөніс дақылдарының қажетті көлемі бар, - деді Н.Хатепова.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері