Нұр-Сұлтан 9.4°
×
17.01.2022, 23:00
Қызық па? Жаңалықты достарыңызбен бөлісіңіз!

ШҚО тауларынан жасанды жолмен қар түсіріліп жатыр

Шығыс Қазақстан облысында жасанды жолмен қар көшкіні түсірілді, деп хабарлады Elorda.info ҚазАқпаратқа сілтеме жасап.

ШҚО тауларынан жасанды жолмен қар түсіріліп жатыр

ШҚО Төтенше жағдайлар департаменті баспасөз қызметінің мәліметіне сүйенсек, ауа температурасының күрт жылынуы мен қатты желдің салдарынан аймақта қар көшкіні жүру қаупі туындаған. Осыған орай «Қазселденқорғау» ШҚ филиалының қызметкерлері «Өскемен-Алтай» тасжолында жасанды жолмен 6 рет қар көшкінін түсірді.

Соның нәтижесінде, 4120 текше метр қар түсті. Қар жолды жауып тастады. Бірден тазарту жұмыстары жүргізіліп, жол қайта ашылды. Жалпы облыстың таулы жерлерінде 20 қаңтарға дейін қар көшкіні жүру қаупі бар, - деп хабарлады ведомство өкілдері.

Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес берді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері