×
23.12.2021, 22:01
Қызық па? Жаңалықты достарыңызбен бөлісіңіз!

Биыл 100-ден аса адам пойыз астына түскен

Жыл басынан бері елде 108 азамат пойыз астына түсіп, олардың жартысынан көбі мерт болған, деп хабарлайды Elorda.info Көліктегі полиция департаментінің баспасөз қызметіне сілтеме жасап.

Биыл 100-ден аса адам пойыз астына түскен

Жыл басынан бері көліктегі полицейлер пойызды шұғыл тоқтатуға қатысты 2 482 факті тіркеді. Оның ішінде теміржолда адамдардың болуына байланысты – 504, малдың жүруіне байланысты – 1 884 жағдай анықталған.

«Қостанай облысы «Қойбағар-Құсмұрын» өткелігінде «Алматы-Қостанай» бағытындағы жолаушылар пойызы 2 жылқыны басып кетті. Осыған байланысты малдың иесіне ҚР Әкімшілік құқық бұзушылық кодексінің 559-бабы 1-бөлігі (Темiржол арқылы мініс малды және табынды айдап өту, темiржолдардың бөлінген жолағында мал жаю қағидаларын бұзу) бойынша әкімшілік хаттама толтырылып, 5 АЕК (14 585 теңге) көлемінде айыппұл салынды. Пойыз 45 минут бойы тұрып қалды», - деді Көліктегі ПД бастығы Оңал Бекиев.

Оның айтуынша, есептік кезеңде белгіленген жерлерде теміржолды кесіп өткені үшін 25 112 адам жауапқа тартылған.

«Осы жылдың 11 айында елде 108 азамат пойыз астына түскен, олардың жартысынан көбі мерт болды», - деп атап өтті ведомство басшысы.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері