Нұр-Сұлтан 20.6°
×
20.12.2021, 21:43
Қызық па? Жаңалықты достарыңызбен бөлісіңіз!

Желідегі оқушы қыздардың төбелесі жұртты шошытты (ВИДЕО)

Әлеуметтік желіде сыныптасын аяусыз сабаған оқушы қыздың видеосы елдің ашу-ызасын тудырды. Бұл оқиғаны желіге шымкенттік блогер жүктеген, деп хабарлайды Elorda.info Экспресс К басылымына сілтеме жасап.

“Ерлан Тұрғымбаев мырза, жергілікті полиция инспекторлары мектептерді аралап "жастар арасындағы қылмысты болдырмау бағытында" түсіндірме жұмыстарын өткізу керек деп ойлаймын. Жасөспірімдер арасындағы бұзақылықты алдын алмасақ, түрмелер толады”, — деп жазады блогер.

Жазба авторының айтуынша, оқиға Түркістан облысында болған.

"Түркістан облысы, Кентау қаласы №1 -ші мектептің 8-ші сынып оқушысы Рахымжанқызы Сабинаны бірнеше қыз болып аса қатыгездікпен сабаған. Барлығын видеоға түсіріп тұрған. Оқиға болған орын Кентау қаласы 22 ші мектептің территориясы. Қазіргі уақытта таяқ жеген 14 жасар оқушы қыз Кентау қалалық ауруханасының травматология бөлімінде жатыр", деп жазған хат авторы блогердің мессенджеріне.

Қыздың анасының айтуынша дәрігерлер тиісті медициналық сараптамаларды бермей отырған көрінеді. Учаскелік полиция шағым алғанымен, одан әрі іс қозғалмаған. Істі жылы жапқылары келеді дейді. Мектеп басшылығы тарапы да әзірге үнсіз. Анасының айтуынша, Сабина мектепке барудан бас тартқан. Жақындары қыздың психикалық жағдайы алаңдатып отырғанын айтады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері