Нұр-Сұлтан 19.1°
×
04.12.2021, 10:00
Қызық па? Жаңалықты достарыңызбен бөлісіңіз!

Қаржылық пирамида құрып, 16 адамды алдаған алаяқ қолға түсті

Қызылордада қаржылық пирамида арқылы 16 адамға 4,5 млн теңге көлемінде залал келтірген алаяқ ұсталды, деп хабарлады Elorda.Info.

Қаржылық пирамида құрып, 16 адамды алдаған алаяқ қолға түсті
Фото: inform.kz

Полиция департаментінің мәліметінше, аталған алаяқ көптеген сайттарды пайдаланып, жалған сатылымдар ұйымдастырған.

«Қ. есімді адам ғаламтордағы “WhatsApp” мессенджерінен “Wall Street”, “Вклад чат Ергазы” және “Inspider” атауларымен чаттар ашып, жалған ақпарат таратқан. Қаржылық пирамиданы құрып, 16 адамға 4 563 800 теңгеге мүліктік залал келтіргені анықталды. Қылмыстық іс-материалы сотта қаралуда. Бұдан бөлек, алаяқтар OLX, Kolesa.kz және т.б. сайттарды пайдаланып, жалған сатылымдар ұйымдастырған. Онда тұрғын үйдің, қымбат көліктердің және т.б. бағалы заттардың суреттерін қойып, арзан бағасын көрсеткен. Оған қызығушылық танытқан және бағасына келіскен азаматтарға 10 пайыздық немесе белгілі бір мөлшердегі ақша-қаражаттарын аудартып алып, ізін жасырып, алдап соғуда», – деді Полиция департаментінің Тергеу басқармасы бастығының міндетін атқарушы Асхат Мұхтарұлы.

Ақпарат ретінде айта кетсек, облыс бойынша ағымдағы жылдың 11 айының қорытындысы бойынша алаяқтықтың 642 дерегі тіркелген. Оның ішінде интернет-алаяқтық 342 болып отыр.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері