Нұр-Сұлтан -8°
×
02.12.2021, 09:20
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

«Омикрон» әлемнің 20 мемлекетінен табылды

Коронавирустың жаңа «Омикрон» штамы кем дегенде 20 мемлекеттен табылды, олардың саны тағы да өсуі ықтимал, деп хабарлады Elorda.Info.

«Омикрон» әлемнің 20 мемлекетінен табылды

Коронавирустың Омикрон штамын Оңтүстік Африка Республикасының ғалымдары тапқан уақытта бір аптадан астам уақыт ішінде әлемге таралып жатқаны белгілі болды. Содан бері көптеген елдер Оңтүстік Африкаға азаматтарын сапарлап баруға тыйым салды. Осы елмен әуе қатынасын көптеген ел тоқтатты. Соңғысы 2-15 желтоқсан аралығында ұшақ қатынасына тыйым салған Испания болды.

Алайда, ДДСҰ «халықаралық сапарларға толығымен тыйым салу коронавирустың таралуын тоқтата алмайды» деп санайды. Көптеген елдер мүмкіндігінше вакцинация бағдарламасын көбірек қамтуға ерекше назар аударып жатыр. Мысалы, Ұлыбритания премьер-министрі Борис Джонсон қаңтар айының соңына дейін барлық ересектерді ревакциналау мерзімін белгіледі. 11 желтоқсанға дейін жалпыхалықтық локдаунды ұзартқан Аустрия сияқты елдер ірі көлемде айыппұл салу арқылы халықты вакциналауға міндеттеуге кірісті.

Грекияда мұндай шаралар тек 60 жастан асқан адамдарға ғана қатысты болмақ. Үшінші екпені алмағандар 16 қаңтардан бастап ай сайын мемлекетке 100 еуро төлейді. Алайда, жаңа штамм қолданыстағы вакциналардан басым түседі деген қауіп басым.

Жақында «Moderna» биотехнология компаниясының бас директоры Стефан Бансель олардың Омикронға қарсы тиімділігіне күмән келтірді. Оның айтуынша, жаңа штамға қарсы вакциналар жасау үшін бірнеше ай қажет.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері