Нұр-Сұлтан 13.9°
×
13.11.2021, 12:25
Қызық па? Жаңалықты достарыңызбен бөлісіңіз!

Қазақстандық оқушылар халықаралық олимпиададан 11 медаль еншіледі

Қазақстандық оқушылар Өзбекстанның Ферғана қаласында физика пәні бойынша халықаралық олимпиадада 11 медаль жеңіп алды, деп хабарлады Elorda.info.

Қазақстандық оқушылар халықаралық олимпиададан 11 медаль еншіледі
Фото: БҒМ Баспасөз қызметі

Ұлттық құраманың қоржынында 2 алтын, 6 күміс және 3 қола медаль бар.

Атап айтқанда, Әл-Ферғани атындағы бірінші олимпиада 8-13 қараша аралығында ұйымдастырылған еді. Зияткерлік байқауға Ресей, Әзірбайжан, Беларусь, Румыния және тағы басқа 18 елден елден 130-ға жуық оқушы қатысты.

Олимпиада екі кезең бойынша өтті. Біріншісі кезеңде жазбаша, екіншісінде практикалық жұмыстар қаралды.

Жеңімпаздардың қатарында алтын медаль – Әлішер Еркебаев, Нұрдәулет Назарбай, күміс медаль – Даниил Шатохин, Оразхан Хайдар, Дінмұхаммед Сапыбек, Ердәулет Нахып, Бернар Шамгонов, Диас Еспан, қола медаль иегерлері – Бексұлтан Шәріп, Асқар Қасымов, Нұржан Хасенов бар. Оқушылар олимпиададағы жеңістерін Қазақстан Тәуелсіздігінің 30 жылдығына арнап отыр.

«Олимпиададағы бәсекелестік өте жоғары болды. Өйткені қатысушылардың басым бөлігі физика пәні бойынша халықаралық олимпиада (IPhO) рейтингінде алдыңғы қатарда. Біздің балалар тамаша нәтижелер көрсетіп, Қазақстанды әлемдік аренада лайықты көрсете білді. Қазір Білім және ғылым министрлігінің «Дарын» орталығы оқушыларымыздың халықаралық олимпиадаларға қатысуына жағдай жасау үшін әртүрлі деңгейдегі олимпиадаларды өткізу бойынша жұмыс істеп жатыр», - деді БҒМ Мектепке дейінгі және орта білім комитетінің төрағасы Гүлмира Кәрімова.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері