Нұр-Сұлтан 20.6°
×
11.11.2021, 12:40
Қызық па? Жаңалықты достарыңызбен бөлісіңіз!

Әлемде көлік сатылымы 20%-ға төмендеді

Бүкіл әлемде автонарық күрделі қиындықтарды бастан кешіруде. Осылайша, жаңа жеңіл автокөліктерді сату қарқыны күрт баяулады және 2021 жылдың сегіз айының қорытындысы бойынша 2020 жылдың қаңтар-тамызымен салыстырғанда 17,7%-ды құрады, деп хабарлады Elorda.info energyprom.kz-ке сілтеме жасап.

Әлемде көлік сатылымы 20%-ға төмендеді

Салыстырар болсақ биылғы алты айдың қорытындысы бойынша жылдық өсім 29,4%-ға жетті.

Сонымен қатар, Қазақстан 2021 жылдың қаңтар-тамыз айларында өткен жылдың сәйкес кезеңімен салыстырғанда жеңіл көліктер мен жеңіл коммерциялық көліктерді 39%-ға көп сатты. Ресейде сату көлемі небәрі 21,3%-ға, Қытайда – 20,1%-ға, Жапонияда – 7,9%-ға, Германияда – 2,5%-ға ғана өсті.

Оның үстіне Оңтүстік Кореяда сатылым 3,4%-ға, ал көрші Өзбекстанда бірден 35,7%-ға төмендеген. Айта кететіні, Өзбекстандағы сатылымға жаһандық проблемалардан басқа Асака автомобиль зауытында монтаждау және іске қосу жұмыстарына байланысты 15 шілдеден 21 тамызға дейін UzAuto Motors өндірісінің уақытша тоқтатылуы да әсер етті.

Қазақстанда биылғы сегіз айда жаңа жеңіл автокөліктер мен жеңіл коммерциялық көліктерді сату 73,4 мың бірлікті құрады. Яғни, көрсеткіш 39% өсті. Сатылымның мұндай жылдық өсімі өткен жылдардағы көрсеткіштерден айтарлықтай асып түседі. Мәселен, 2020 жылы өсім 21,9%, 2019 жылы - 19,6% болды.

Дегенмен, әлемдік жағдай ел нарығына да әсер етті. Мысалы, қыркүйекте еліміздің дилерлері 10,5 мың жеңіл көлік пен жеңіл коммерциялық көліктерді сатқан, бұл бір жыл бұрынғыдан небәрі 3,3%-ға ғана артық.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері