Нұр-Сұлтан 15.9°
×
15.10.2021, 21:26
Қызық па? Жаңалықты достарыңызбен бөлісіңіз!

Балақайды жертөлеге қамап қойған балабақша тәрбиешісі кешірім сұрады

Түркістан облысы Сарыағаш ауданына қарасты Құркелес ауылдық округіндегі "Ақ көгершін" балабақшасының тәрбиешісі 5 жасар баланы жертөлеге қамап қойған, деп хабарлайды Elorda.info "Алматы" телеарнасына сілтеме жасап.

Балақайды жертөлеге қамап қойған балабақша тәрбиешісі кешірім сұрады

Ал жертөледе ешқандай қауіпсіздік шаралары сақталмаған. Онда тіпті от жағатын орын да болған.

"Сол күні менің үлкен баламның туған күні болған еді. Таңертең саябаққа апармақ болып, балаларымды алып кетуге келдім. Екінші баламды топтан алып келейін деп үлкен топқа бара жатсам, жертөледен дауыс шығады. "Нұрислам" деп айқайласам, баламның дауысы жертөледен шығады, сонда қамалып отыр. Содан сіздерді шақырдым. Бұл жерде бастық кім десем, қамап отырған кісі "Мен" деді де, есікті құлыптап алды", – дейді Сарыағаш ауданының тұрғыны Жәмилә Рахым.

Жағдайды өз көзімен көрген баланың анасы құқық қорғау орындарына арызданған. Алайда балабақша тәрбиешісі өзінің кінәсін мойындап, баланың ата-анасынан кешірім сұрапты. Ал балабақша құрылтайшысы бұл мәселе бойынша шара қолданылатынын айтты. Осы оқиғадан кейін тәрбиеші жұмыстан шығарылған.

"Мені кешіріңіздер. Барша халықтан кешірім сұраймын. Баланы жертөлеге кіргізгенім рас. Бәріңіз кешіріңіздерші, өтініш сіздерден. Мұндай жағдай бұдан кейін болмайды", - деді "Ақ көгершін" балабақшасының тәрбиешісі Гүлмира Мұстафаева.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері