×
02.12.2022, 11:39
Қызық па? Жаңалықты достарыңызбен бөлісіңіз!

Биыл халықтың жалпы өлім-жітімі 28%-ға төмендеген

Президент тапсырмасы бойынша кешенді жұмыстар жүргізіліп жатыр

Биыл халықтың жалпы өлім-жітімі 28%-ға төмендеген
Фото: ашық дереккөз

Сенатта өткен Үкімет сағатында Денсаулық сақтау министрі Ажар Ғиният биыл ана өлімі 3,5 есе төмендегенін айтты, деп хабарлады Elorda.info.

Ведомство басшысының айтуынша, Президент тапсырмасы бойынша кешенді жұмыстар жүргізіліп жатыр. 

Халықтың денсаулығын нығайту – Үкіметтің маңызды міндеттерінің бірі. Мемлекет басшысының халыққа медициналық көмек көрсетудің тиімділігін арттыру жөніндегі тапсырмалары аясында кешенді жұмыс жүргізіп жатырмыз. Елімізде биыл ресми статистика бойынша денсаулық сақтаудың негізгі көрсеткіштерінің оң үрдісі байқалады. 2020-2021 жылдары пандемияға байланысты халықтың денсаулығы күрт нашарлаған болатын. Ол тек Қазақстанда ғана емес, барлық дүниежүзінде байқалған үрдіс. Мәселен, өткен жылдың ұқсас кезеңімен салыстырғанда биыл 9 айда халықтың жалпы өлім-жітім көрсеткіші 28 пайызға төмендеп отыр, - деді Ажар Ғиният.

Сондай-ақ министр қан айналымы жүйесі ауруларынан болатын өлім-жітім көрсеткішінің шамамен - 32, обырдан – 9, жарақаттан - 4, тыныс алу ағзаларының ауруларынан болатын өлім-жітім - 33, ал туберкулезден болатын өлім-жітімнің 17 пайызға төмендегені байқалатынын жеткізді.

Биыл ана өлім-жітімі 3,5 есеге төмендеді. Нәресте өлім-жітімінің абсолюттік саны 200-ден астам балаға төмендеп отыр. Ал аурушаңдық қазіргі алдын алу зерттеулерінің арқасында және ковидтің салдарынан бүгінде өсіп отыр. Халық денсаулығы көрсеткіштерінің жақсаруы халықаралық рейтингтерде де байқалады. Мәселен, 2021 жылдың қорытындысы бойынша Біріккен Ұлттар Ұйымының Тұрақты даму мақсаттары рейтингінде Қазақстан Республикасы позициясының жақсарғаны байқалады. 2020 жылы 193 елдің ішінде Қазақстан 65-ші орынды иеленді. Ал 2022 жылдың басында Біріккен Ұлттар Ұйымы біздің мемлекетіміздің рейтингін 6 позицияға көтеріп, 59-орынға дейін жақсартты», - деді Денсаулық сақтау министрі.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері