×
29.09.2022, 23:24
Қызық па? Жаңалықты достарыңызбен бөлісіңіз!

Қазақстанда қанша адам пәтерін жалға беруді кәсіп қылып жүр

Вице-министр пәтерді жалға берудің тағы бір жолын айтты

Қазақстанда қанша адам пәтерін жалға беруді кәсіп қылып жүр
Фото: dom.kz

Елімізде 84 мыңнан астам қазақстандық салықтан жалтармай, пәтерін жалға береді, деп хабарлады Elorda.info.

Бұл туралы Қаржы вице-министрі Ержан Біржанов Орталық коммуникациялар қызметінде өткен брифингте мәлім етті. 

Тұрғын үйді жалға берудің бірнеше жолы бар. Бірінші жол – жеке кәсіпкер ретінде тіркелу. Еліміз бойынша осы жолды таңдап, жеңілдетілген декларация мен патент тапсырып жүрген 84 мыңнан астам адам бар», - деді ол.

Вице-министр пәтерді жалға берудің тағы бір жолын айтты.

Мұнда жеке кәсіпкер ретінде тіркелудің қажеті жоқ. Егер ол облыс орталығында немесе ірі қалаларда тұрғын үй тапсырса, есеп айырысу айының басына дейін 1 АЕК төлеуі керек. Ал аудандық деңгейде 0,5 АЕК төлеуі шарт. Мұндай режимді пайдаланатын 120 мыңнан астам адам бар, - деді Ержан Біржанов.

Оның айтуынша, пәтер жалдаудың үшінші жолын 2 мыңға жуық адам ғана қолданып жүр.

Жеке тұлғалар табысы мүліктік кіріске тең болса, аталған кірісті бір жылдан кейін декларациялай алады және жалға алынған соманың 10%-ын төлей алады. Айталық, егер ол бір жыл ішінде 2 млн теңгеге тапсырса, ол декларацияда осы соманы көрсетіп, 200 мың теңге төлейді. 2021 жылдың қорытындысы бойынша 2 мыңға жуық адам осы тәсілді қолданды, - деді Қаржы вице-министрі.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері