×
11.08.2022, 20:24
Қызық па? Жаңалықты достарыңызбен бөлісіңіз!

Шығармашылық орталық елордалықтарға мол мүмкіндік береді

Биыл сәуір айынан бастап елордада Сән және дизайн студиясы жұмысын бастады. Мұнда өз идеялары мен жобаларын жүзеге асыруды армандайтын талантты дизайнерлер мен суретшілер үшін есік ашық. Elorda.info журналисі шығармашылық шеберхананың жетекшісі Ария Жүнісбекпен әңгімелесіп қайтты.

Шығармашылық орталық елордалықтарға мол мүмкіндік береді
Фото: Сұхбат берушінің мұрағатынан алынды

Бала кезімде мультфильм режиссері немесе сәнгер болуды армандадым. Алғашқы коллекцияды 7-сыныпта көрсеттім. Кейін мұғалімдерім мен сыныптастарым мектепте алғашқы сән көрсетілімімді өткізуге көмектесті. Мектепті бітірген соң Т.Жүргенов атындағы академияға  грантқа оқуға түстім, - деді Ария Жүнісбек.

Ал 21 жасында Ария Жүнісбек Лондондағы өнер университетіне оқуға түседі. Одан кейін «Шабыт» өнер университетінің магистратурасын тәмамдайды. Сондай-ақ ол «Универсиада-2017» гала-концертіне, Каспий теңізі саммитіне костюмдер дайындайды. Сонымен қатар, Ария Жүнісбек Сеул сән апталығына шетелдік сәнгер ретінде шақырылды. Бакуде Өнер академиясында шеберлік сабақтарын өткізді. Стамбулдағы Өнер институтында, Абу-Дабиде, Миланда сән көрмелерінде болды.

Қазір мен бар күшімді балалардың кәсіби дизайн және жазу дағдыларын дамытуға жұмсаймын. Басында ақылы курстар аштық. Бірақ кейінірек ата-аналардың балаларының шығармашылық білім алуына ақша төлеуге мүмкіндігі жоқ екенін түсіндік. Әсіресе мүмкіндігі шектеулі балалардың ата-аналарына қиынға соқты. Сондықтан осындай балалар үшін тегін топ ашу идеясы келді. Қазір біздің шығармашылық орталықта 16 бала бар. Оның үшеуі мүмкіндігі шектеулі жандар. Сондай-ақ бізге 6 зейнеткер келеді, - деп бөлісті өнер студиясының жетекшісі.

Әлеуметтік орталықта олар эскиз жасауды, аксессуарларды жасауды және модельдеу бойынша негізгі дағдыларды үйретеді. Мұнда олар суретке түсуді, макияж және шаш үлгісінің негіздерін, сурет салу техникасымен жұмыс істеуді, сурет салуды және т.б. үйретеді.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері