×
05.07.2022, 11:31
Қызық па? Жаңалықты достарыңызбен бөлісіңіз!

Facebook-те бейтаныс ер адаммен танысқан әйел 17 миллион теңгесінен айырылды

Шымкенттік әйел әлеуметтік желіде бейтаныс жігітпен сөйлесіп, 17 миллион теңгесінен айырылып қалды, деп хабарлады Elorda.info.

Facebook-те бейтаныс ер адаммен танысқан әйел 17 миллион теңгесінен айырылды
Фото: ашық дереккөз

Бұл туралы қалалық Полиция департаменті Facebook-тегі ресми парақшасында жазды.

Ведомство мәліметінше, жәбірленуші әйел полицияға алаяқ құрбаны болғаны туралы арызбен жүгінген. Айтуынша, Facebook әлеуметтік желісінде өзіне халықаралық компанияның атын жамылып жазған белгісіз азамат биржа нарығында оның ақшасын еселеп беруге уәде еткен. Бейтаныс адамға сеніп қалған тұрғын «бағдарламаға» қомақты қаржы салып, 17 миллион теңгеден астам шығынға батқан.

Бұл дерек Қылмыстық кодекстің 190-бабы 4-бөлігі бойынша (аса ірі көлемдегі алаяқтық) тіркелген. Тергеу амалдары жүргізілуде. Қазіргі таңда полицейлер күдіктілерді іздестіріп жатыр. Осы орайда Шымкент қалалық Полиция департаментің өкілдері бұл интернетте алаяқтық жасаудың жаңа түрі екенін атап өтті.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері