Елімізде бірнеше өңірде мұғалімдердің жалақысы кешіктірілген. Оқу-ағарту министрлігі жүргізген талдау барысында 28 млрд теңге көлеміндегі қаржы уақтылы аударылмағаны белгілі болды, деп хабарлады Elorda.info «Хабар24»-ке сілтеме жасап.
Оқу-ағарту вице-министрі Ғани Бейсембаевтың айтуынша берешек бір апта ішінде толығымен өтеледі. Нақтырақ айтқанда, еңбек демалысы мен ай сайынғы еңбекақы жергілікті бюджет есебінен төленеді. Ал кешіктірудің басты себебі қаражаттың жетіспеушілігінен емес, керісінше жергілікті деңгейдегі жұмыстар мен рәсім мәселелеріне байланысты болғанын айтады министрлік өкілдері.
