Ең арзан алма бағасы бойынша Қазақстан 104 елдің ішінен 19-шы орында тұр, деп хабарлады Elorda.info Energyprom.kz-ке сілтеме жасап.
Ағымдағы жылғы 21 маусымдағы мәліметтер бойынша, ҚР-да орта есеппен бір килограмм алма 560 теңге тұрады. Алма бағасы Молдовада, Украина, Түркия елдерінде арзан. Ал ең қымбат алма Оңтүстік Кореяда сатылады.
ТМД елдері арасында алманың бір келісі Өзбекстанда және Ресейде қымбат. Елімізде баға өсуінің ең жоғары көрсеткіштері Алматы облысында байқалады.
Айта кетейік, ағымдағы жылдың төрт айында елімізге 47,5 мың тонна алма, алмұрт және айва әкелінді. Бұл өткен жылмен салыстырғанда 0,5%-ға артық.
