Нұр-Сұлтан 21.3°
×
22.06.2022, 20:52
Қызық па? Жаңалықты достарыңызбен бөлісіңіз!

Қазақстанда 185 мың адам кәсіпкерлікті дамыту жөніндегі ұлттық жобаға қатысты

Осы жылғы 1 маусымдағы жағдай бойынша 2021-2025 жылдарға арналған кәсіпкерлікті дамыту жөніндегі ұлттық жобаның қатысушылары 185 мың адам болды. 167,1 мың адам жұмысқа орналастырылды. Оның 91,2 мыңы тұрақты жұмысқа орналасты, деп хабарлады Elorda.info Еңбек және халықты әлеуметтік қорғау министрлігіне сілтеме жасап.    

Қазақстанда 185 мың адам кәсіпкерлікті дамыту жөніндегі ұлттық жобаға қатысты
Фото: ашық дереккөз

Жұмыс берушілердің өтініші бойынша 3,4 мың адам оқу үшін оқыту ұйымдарына жіберілді.

Өз кәсібін бастау үшін 1,5 мың адам мемлекеттік грант алды.

Субсидияланатын жұмыс орындарына 82,5 мың адам орналастырылды. Әлеуметтік жұмыс орындарымен 11,4 мың, жастар практикасымен 8,6 мың, қоғамдық жұмыстармен 61,1 мың адам қамтылды. «Алғашқы жұмыс орны» жобасы аясында 1,1 мың, «Ұрпақтар келісімшарты» жобасы аясында 138 адам, «Күміс жас» жобасы аясында 226 адам жұмыспен қамтылды.    

Еске салайық, бұған дейін халықты жұмыспен қамтуға арналған шаралар Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында жүзеге асырылды. 2021 жылы бағдарламаға 651,8 мың адам қатысты.

Мемлекеттік бағдарламаға қатысушылар тұрақты және субсидияланатын жұмыс орындарымен қамтылды. Сондай-ақ оларға кәсіпкерлікті дамыту үшін микронесие мен қайтарымсыз мемлекеттік грант беріліп, қолдау көрсетілді. Қысқа мерзімді курстарда және кәсіптік-техникалық ұйымдарда оқытылды.   

Бұдан бөлек, «Еңбек» бағдарламасындағы бағыттардың бірі аясында жұмыс күші көп аймақтардан жұмыс күші жетіспейтін аймақтарға көшірілді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері