Нұр-Сұлтан 9.9°
×
02.06.2022, 10:16
Қызық па? Жаңалықты достарыңызбен бөлісіңіз!

Елордалық телефон алаяқтарына сеніп, 137 миллион теңгесінен айырылып қалған

Елорда тұрғыны телефон алаяқтарына сеніп, 137 миллион теңгесінен айырылып қалған, деп хабарлады Elorda.info.

Елордалық телефон алаяқтарына сеніп, 137 миллион теңгесінен айырылып қалған
Фото: ашық дереккөз

Ер адамға банктің жалған қызметкерлері телефон соққан. Бірінші қоңырау шалған адам өзін қала прокурорының орынбасарымын, екіншісі қаржылық бақылау бөлімінің қызметкерімін деп таныстырған. Олар оған алаяқтар оның шотынан ақша алмақ болып жатқанын, бұл ақшаны сақтау үшін оны банк кепілдік шоттарына жіберу керек екенін айтқан.

Ер адам сеніп, ақшасын 15 түрлі есепшотқа аударған. Кейін алданып қалғанын білген соң полицияға жүгінген.

Жедел-іздестіру іс-шаралары барысында Сарыарқа ауданының жедел уәкілдері күдіктілердің бірі – Ресей Федерациясының 33 жастағы азаматын ұстады. Қылмыстық топтың екі мүшесі республикадан тыс жерге қашып үлгерген. Қазіргі уақытта тергеу амалдары жүргізілуде.

Елордадағы қылмыстық топ номиналды тұлғалар арқылы банк карталарын бергені анықталды. Бір айда күдіктілер Қазақстан Республикасының әртүрлі банктерінде ашылған 35 банк картасын алған. Олар алаяқтық жолмен алынған ақшаны қолма-қол ақшаға айналдырып, АҚШ долларына айырбастаған. Кейін шабуылшылар валютаны криптовалютаға айырбастап, Ресей Федерациясына жіберген.

Қазіргі уақытта ұсталған азамат қамауға алынып, уақытша ұстау изоляторына қамалды. Қылмыстық топтың аса ірі көлемде алаяқтық жасау фактісі бойынша Қазақстан Республикасы Қылмыстық кодексінің 190-бабының 4-бөлігі бойынша сотқа дейінгі тергеу амалдары жүргізіліп жатыр.

Нұр-Сұлтан қалалық Полиция департаменті түрлі бөлім басшылары мен қызметкерлерінің атынан қоңырау шалумен байланысты алаяқтық фактілері көбейіп жатқанын ескертеді. 

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері