Нұр-Сұлтан 21.3°
×
23.05.2022, 10:45
Қызық па? Жаңалықты достарыңызбен бөлісіңіз!

Елордалықтар автобуста оқушы қызға тиіскен ер адамның 10-ақ күнге қамалғанына наразы

Нұр-Сұлтанда автобуста 12 жастағы жасөспірім қызға тиіскен ер адам 10 тәулікке қамауға алынды. Әлеуметтік желіде пікір білдірген қазақстандықтар жазалау ретінде берілген мерзімнің аздығына наразы болды. Бірақ қыздың анасы бұған полицияны емес, заңды кінәлап жатыр, деп хабарлады Elorda.info.

Елордалықтар автобуста оқушы қызға тиіскен ер адамның 10-ақ күнге қамалғанына наразы
Фото: видеодан скриншот

21 мамырда 33 жастағы ер адамға қатысты сот отырысы өтті. Оған қатысты Қазақстан Республикасының Әкімшілік құқық бұзушылық туралы кодексі 434-бабы бойынша әкімшілік іс қозғалды. Мамандандырылған ауданаралық әкімшілік сотының қаулысымен ол 10 тәулікке қамауға алынды (бұл – ұсақ бұзақылық үшін ең көп мерзім).

Stan.kz 19 мамырда болған оқиғаны айтқан қыздың анасы сынның астында қалған полицейлерді қорғамақ болғанын жазды.

Қалайша? Ол балаға қатысты азғындық жасамақ болды, бірақ оған 10 күн ғана берді, - деді желі қолданушыларының бірі.

Оқи отырыңыз: Елордада автобуста оқушы қызға тиіскен күдікті қамауға алынды

Бұл полицияның кінәсі емес, мәселе олардың жұмыс істей алмайтынында немесе жұмыс істегісі келмейтіндігінде емес, бізде ондай норма жоқ. Самат Бексұлтановтың менің қызыма қатысты жасаған әрекетінің барлығы Қазақстан Республикасының заңнамасында кәмелетке толмаған баланы қорлау, тиісу, сол арқылы қоғамдық тәртіп пен жеке адамдардың тыныштығын бұзу деп көрсетіледі, бұл ұсақ бұзақылыққа жатады. Бұл тіпті қылмыстық құқық бұзушылық емес, ұсақ құқық бұзушылық, –  деп жазды Қарлығаш Оңғарова Instagram парақшасында.

Қарлығаш Оңғарова полицейлердің барлық сайлау учаскелерінде моральдық қолдау көрсеткенін, қызына әрекеттерінің барлығы дұрыс болғанын айтқан. Осыған ұқсас жағдайларда қалай әрекет ету керектігін де айтып берген.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері