Нұр-Сұлтан 14.5°
×
15.05.2022, 09:10
Қызық па? Жаңалықты достарыңызбен бөлісіңіз!

Елордалық жастар референдум өткізуге дайындықты талқылады

Нұр-Сұлтан қаласы әкімдігі жанындағы Жастар ісі жөніндегі кеңестің кеңейтілген отырысы өтті, деп хабарлады Elorda.info.

Елордалық жастар референдум өткізуге дайындықты талқылады
Фото: қалалық әкімдіктен

Талқылаудың басты тақырыбы алдағы жалпы республикалық референдумды өткізу болды.

Жастар ісі жөніндегі кеңестің отырысы елорда әкімінің орынбасары Берік Жәкеновтің төрағалығымен өтті.

Бүгін қалалық Жастар ісі жөніндегі кеңестің кеңейтілген отырысы өтті. Кездесу бағдарламасында жаңа Қазақстанды құрудағы республикалық референдумның тәртібі мен міндеттері болды. Біздің мақсатымыз – жастарға алдағы референдумның маңыздылығы туралы ақпарат жеткізу, – деді Жастар саясаты мәселелері басқармасының басшысы Қайрат Қамбаров.

Кездесу бағдарламасы аясында жалпы республикалық референдум өткізудің тәртібі мен міндеттері, конституциялық реформаның бағыттары, жаңа Қазақстанды құрудағы референдумның маңызы, елордада мемлекеттік жастар саясаты саласында атқарылған жұмыстар, елордалық жастарды жұмыспен қамту мәселелері туралы ел үшін аса маңызды тақырыптар қаралды.

Бізде өтетін референдум бойынша түсіндіру кездесуі өтті. Бізде сайлаушылардың және дауыс беретін адамдардың негізгі аудиториясы жастар болғандықтан, оған ерекше назар аударамыз. Өзім жастар өкілі ретінде осы референдумның маңыздылығын түсінемін. Оның үстіне жаңа Қазақстанда осының бәрін іске асыратын жастар қажет. Сол сияқты ашық талқылау, пікірталас өтті. Қызықты сұрақтар болды, өзім үшін қызықты ақпарат алдым. Жастарға жақсы ақпарат бере алдым деп үміттенемін. Біздің жастар белсенді қатысады деп ойлаймын, өйткені ол қазірдің өзінде саяси пісіп жетілді. Жастар референдум кезінде белсенділік көрсетеді деп үміттенемін, – деп атап өтті Qazaqstan team республикалық жастар бірлестігінің жетекшісі Олжас Сүлейменов.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері