Нұр-Сұлтан 22.7°
×
13.05.2022, 22:02
Қызық па? Жаңалықты достарыңызбен бөлісіңіз!

Рамазан айында миллионнан астам адам көмек алды

Қазақстан мұсылмандары діни басқармасының хабарлауынша, «Зекет және қайырымдылық» қоры Рамазан айында жомарт жандардың демеуімен бірқатар іс-шара атқарған. Қор және өкілдіктердің ұйымдастыруымен Рамазан айында 6 476 қайырымдылық іс-шарасы атқарылса, «Қолдан – қолға» жобасы аясында 4 865 адамға қаржылай зекет берілді. Барлық жоба бойынша бір айда 1 015 610 адамға қайырымдылық көмек көрсетілген, деп хабарлайды Elorda.info.

Рамазан айында миллионнан астам адам көмек алды
Фото: ашық дереккөз

«Ел үлесі – пәтерге» қайырымдылық акциясы бойынша 15 мұқтаж отбасыға 15 үйдің кілті берілді.

Науқас жандарды, әсіресе ауыр сырқатқа шалдыққан сәбилерді қолдау мақсатында «Өмірге үміт сыйла» және «Үміт сыйла сәбиге» акциялары аясында өтініш білдірген 2 102 адам еміне көмек алды.

Одан бөлек әлеуметтік желілерде жарияланған бір көзін зақымдап алған 9 жасар Диананың өтініші ескеріліп, оған Түркия мемлекетінде ота жасауға қаржылай көмек берілді. Сонымен бірге Мүмкіндігі шектеулі 11 балаға қолданысына қажетті заттар алып берілсе, Зағиптар қоғамының өтініші бойынша «шоудаун» теннис үстеліне көмек көрсетілді.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері