Нұр-Сұлтан 13.4°
×
21.01.2022, 13:00
Қызық па? Жаңалықты достарыңызбен бөлісіңіз!

Автобус жолақысын төлемейтін «қояндар» жауапкершілікке тартылды

Көліктік бақылау департаментінің қызметкерлері күн сайын билетсіз жолаушыларды анықтау бойынша рейдтер жүргізеді. Өздеріңіз білетіндей, «қояндар» жолақысын тек КБД қызметкерлерін көрген кезде ғана төлейді, деп хабарлады Elorda.info

Автобус жолақысын төлемейтін «қояндар» жауапкершілікке тартылды
Фото: ашық дереккөз

Мәселен, 2021 жылдың қорытындысы бойынша көліктік бақылау департаментінің қызметкерлері жол жүру ақысын төлеуден жалтарудың 222 415 фактісін анықтады, оның ішінде 9900 жолаушы ҚР ӘҚБтК-нің 622-бабының 2-бөлігі бойынша 57 млн теңгеден астам сомаға әкімшілік жауапкершілікке тартылды.

Сондай-ақ көліктік бақылау департаменті қоғамдық көлік жүргізушілерінің аялдама пунктіне кірмеуіне, қозғалыс аралығын сақтамауына, қозғалыс схемасын өзгертуіне және т. б. мониторинг жүргізеді.

Айта кетейік, 2021 жылдың қорытындысы бойынша тасымалдаушылар тарапынан 1969 бұзушылық анықталды, олардың ішінде ең көбі аялдамаға кірмеудің 1079 фактісі тіркелді.

Бұдан басқа, 2021 жылы қоғамдық көлік жүргізушілерінің жол қозғалысы ережелерін бұзуының 247 фактісі тіркелді. 799 жол-көлік оқиғалары тіркелген, оның ішінде жүргізушінің кінәсінен - 275.

Барлық бұзушылықтар бойынша Көліктік бақылау департаменті барлық қажетті шараларды қабылдайды және автобус парктерінің басшылығына жүйелі бұзушылықтарды жою бойынша ұсынымдар береді.

Бұдан басқа, КБД жолаушыларының денсаулығын сақтау мақсатында күн сайын қоғамдық көліктерде бетперде режимін сақтау бойынша рейдтер жүргізіледі.

Құрметті жолаушылар, жол ақысын уақытылы төлеуді сұраймыз, сондай-ақ бетперде киюге шақырамыз. Автобустарда жол ақысы қолма-қол ақшасыз төленеді: көлік картасы немесе QR код арқылы, – делінген хабарламада. 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері