Нұр-Сұлтан 13.4°
×
11.01.2022, 12:15
Қызық па? Жаңалықты достарыңызбен бөлісіңіз!

«Сыбайлас жемқорлықтың иісі мүңкіп тұрған жоба»: Тоқаев ЛРТ жайлы айтты

Президент Қасым-Жомарт Тоқаев елордадағы ЛРТ құрылысы жайлы пікір білдірді, деп хабарлады Elorda.info.

«Сыбайлас жемқорлықтың иісі мүңкіп тұрған жоба»: Тоқаев ЛРТ жайлы айтты
Фото: ашық дереккөз

Көпшілікті, әсіресе, елорда тұрғындарын ашуландыратын тағы бір мәселе – ЛРТ құрылысы болып отыр. Ол кәдімгі инфрақұрылымдық жобадан елдің абырой-беделіне нұқсан келтіретін күрделі проблемаға айналды. Қазірдің өзінде орасан зор қаражат жұмсалды, қарыздар тартылды, шетелдік әріптестер алдында ауқымды келісімшарттық міндеттемелер қабылданды. Бұл жоба бастапқыда-ақ үлкен қателік болды, оны мойындау керек. Сонымен қатар, ол – сыбайлас жемқорлықтың иісі мүңкіп тұрған жоба, – деді Тоқаев.

Мемлекет басшысы енді оңтайлы шешім қабылдау керектігін айтты.

Енді оны жай ғана бұза салу уақыт пен ақшаны жоғалтуды білдіреді. Демек отандық және шетелдік сәулетшілер мен урбанистерді шақырып, жобаны іске асырудың ықтимал нұсқаларын анықтаудан басқа жол жоқ, – деді Президент.

 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері