×
10.01.2022, 14:50
Қызық па? Жаңалықты достарыңызбен бөлісіңіз!

Шет елдердегі отандық туристер елге елорда арқылы жеткізіледі – министрлік

Жаңажылдық демалысқа БАӘ, Шри-Ланка, Таиланд, Мальдив және Гоаға кеткен туристерді елге жеткізу жұмыстары мүмкіндігінше жеделдетіліп, елорда әуежайы арқылы жүргізіледі, деп хабарлады Elorda.info ИИДМ баспасөз қызметіне сілтеме жасап.

Шет елдердегі отандық туристер елге елорда арқылы жеткізіледі – министрлік
Фото: ашық дереккөз

Индустрия және инфрақұрылымдық даму вице-министрі Берік Камалиев Азаматтық авиация комитетінің, Мәдениет және спорт министрлігі Туризм индустриясы комитетінің, әуе компанияларының, әуежайлардың, «ҚТЖ» ҰК« АҚ мен Қазақстанның туроператорлар қауымдастығының басшылығымен өткен кеңейтілген кеңесте шет елдерге демалысқа кетіп, әуежайлар жұмысының тұрақсыздығына байланысты елге оралуы қиындаған қазақстандықтарды эвакуациялау кестесін тез арада әзірлеуді тапсырды.

Кеңесте рейстерді ұйымдастыруға тартылған барлық қатысушылардың өзара іс-қимылының егжей-тегжейі пысықталды.

«ҚТЖ« ҰК» АҚ басшылығына пойыздарды жасақтау кезінде жолаушыларды қайтару кестесін ескеру және оларға барынша көмек көрсету тапсырылды.


 

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері