Нұр-Сұлтан 13.4°
×
27.12.2021, 22:13
Қызық па? Жаңалықты достарыңызбен бөлісіңіз!

Клиент кейпінде дүкенге келген елордалық жігіт 15 телефонды ұрлап кеткен

Бұл туралы астаналық Полиция департаменті мәлімдеді, деп хабарлайды Elorda.info.

Клиент кейпінде дүкенге келген елордалық жігіт 15 телефонды ұрлап кеткен

Телефон ұрлауды алдын ала жоспарлаған жігіт клиент кейпінде бизнес орталықта орналасқан бутикке келген. Бутиктің қайда орналасқанын біліп алған ол сағат 17.00-де бизнес орталыққа кіріп содан 1-қабатта орналасқан дәретханаға тығылып, жұмыс күнінің аяқталуын күткен. Түнгі сағат бірлер шамасында ұялы телефондар сатылатын бутикке барып, гипсокартоннан болған қабырғаны сындырып кірген.

Күдікті сауда орнынан  құны 5,7 млн теңге болатын «Айфон 12» және «Самсунг» маркалы 15 ұялы телефонды жымқырып бизнес орталықтың қызметтік шығу бөлігі арқылы қашып кеткен. Кейіннен күдікті ұрланған ұялы телефондарды белгісіз азаматтарға сатып жіберген.

Жедел-іздестіру іс-шаралары барысында полиция қызметкерлері ұрлық жасады деген күдікпен 19 жастағы елордалықты ұстады. Полицияда ұрлық жасаған күдікті мойындап, уақытша ұстау изоляторына қамалды. Полиция қызметкерлері ұрланған төрт телефонды тауып, қалған гаджеттерді іздестіріп жатыр.

Аталған факті бойынша  ҚК 188-бабы бойынша сотқа дейінгі тергеу амалдары жүргізілуде. Күдіктінің осыған ұқсас бұрын жасалған қылмыстарға қатыстылығы анықталады.

Нұр-Сұлтан қаласының Полиция департаменті шағын және орта бизнес иелеріне сақ болуды және шағын және орта бизнес нысандарын күзет дабылымен және бейнебақылау камераларымен жабдықтауды ұсынады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері