Францияда парламенттің төменгі палатасы депутаттары мектептегі буллинг үшін қылмыстық жаза қарастыратын заң жобасын мақұлдады, деп хабарлайды Elorda.info Le Monde басылымына сілтеме жасап.
Заң жобасына сәйкес, кибербуллинг те енді қылмыс болып саналады.
Құқықбұзушылық үшін оқушылар да, мұғалімдер де жазаланатын болады. Кінәлілерге 45 мыңнан 150 мың еуроға дейін айыппұл салынып, үш жылға түрмеге тоғытылуы мүмкін. Ал егер буллингтің кесірінен бала сабақтан қалған болса, түрмеде отыру мерзімі сегіз жылға дейін ұзартылуы ықтимал. Жәбірленуші суицид жасап немесе жасауға әрекеттенсе, кінәлілер 10 жылға бас бостандығынан айырылады.
Аталмыш заң жобасын сенат ақпан айында қарастырады.
