Нұр-Сұлтан -4.2°
18.11.2021, 15:25
Elorda Aqparat
Elorda Aqparat
Қызық па? Жаңалықты достарыңызбен бөлісіңіз!

Осал елдер тізімінде Қазақстан 179-орыннан 116-орынға жылжыды

2021 жылғы осал мемлекеттер рейтингінде Қазақстан 179-орыннан 116-орынға бір-ақ шықты. Елдің осалдық индексі 61,2-ге тең, бұл дегеніміз – Қазақстандағы қауіп орташа деңгейде деген сөз, деп хабарлайды Elorda.info finprom.kz-ке сілтеме жасап.

Осал елдер тізімінде Қазақстан 179-орыннан 116-орынға жылжыды

Мемлекеттердің осалдық индексі белсенді қақтығыстарға дейін, белсенді қақтығыстар кезінде және одан кейінгі жағдайларға қарай елдің позициясын өлшейді. Индекс төрт бағыттан тұрады: біртұтастық, экономика, саяси жағдай және әлеуметтік сала. Бұлар қақтығыс қаупінің 12 индикаторын қамтиды: қауіпсіздік аппараты, элиталардың фракциялануы, топтық наразылық, экономикалық құлдырау, әркелкі экономикалық даму, адамдардың қашуы немесе ақыл-ой иелерінің сыртқа ағылуы, мемлекеттің заңдылығы, қоғамдық қызметтер, адам құқықтары мен заңның үстемдігі, демографиялық қысым, босқындар, сыртқы қатынас. Индекс мәні неғұрлым жоғары болса, ел соғұрлым осал және әлсіз дегенді білдіреді.

Қазақстан мемлекеттің заңдылығы (легитимділігі) (8,2 балл), топтық наразылық (8 балл) және элиталардың фракциялануы (7,6 балл) сияқты көрсеткіштер бойынша неғұрлым жоғары (яғни нашар) баға алып отыр. Түсіндіре кетсек, элиталардың фракциялануы деген – мемлекеттік институттардың этникалық, таптық, кландық, нәсілдік немесе діни белгілері бойынша бөлінуі мен бытыраңқы болуы.

Йемен, Сомали және Сирия – ең осал мемлекеттердің рейтингін бастап тұр. ТМД елдерінің арасында Қазақстан басқаларға қарағанда сәл ілгері. Қырғызстан – 68, Әзербайжан мен Тәжікстан – 71, Ресей – 74, Өзбекстан – 80, Армения мен Украина – 91, Түрікменстан – 97, Беларусь – 98, Молдова 103-орында. Финляндия, Норвегия және Исландия әлемдегі ең тұрақты елдер деп аталды.

2021 жылғы қаңтар-қыркүйекте мемлекеттік басқару, қорғаныс және ҚР-да міндетті әлеуметтік қамсыздандыру саласындағы негізгі капиталға құйылған инвестициялар – 33,6 млрд теңге. Бұл былтырға қарағанда 35,1%-ға аз (нақты көлемнің төмендеуі – 37,4%).

Өңірлер бойынша, инвестициялардың ең көп көлемі Нұр-Сұлтанға тиесілі болды: 7,3 млрд теңге – құндық мәнде бір жыл бұрынғыға қарағанда 42,3%-ға артық. Жетекші өңірлердің үштігіне Атырау (6,2 млрд тг, оған қоса жылына 62,3%) және Түркістан (4,4 млрд тг, минус 81,8%) облыстары кірді. Инвестициялардың ең аз көлемі Қызылорда облысына тиесілі: барлығы 113,5 млн тг, жыл ішінде минус 81,7%.

Салымдардың басым бөлігі жергілікті бюджеттер есебінен қамтамасыз етілген: 23,5 млрд тг – бір жыл бұрынғыға қарағанда 35,4%-ға аз. Тағы 8,6 млрд теңгені республикалық бюджет қамтамасыз етті, қалған 1,5 млрд теңге – кәсіпорындардың өз қаражаты.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда ержүректері