×
29.11.2022, 21:47
Қызық па? Жаңалықты достарыңызбен бөлісіңіз!
Мақалада:

Казино ойнауға келетін шетелдіктер үшін визасыз режим енгізіледі

Елде он бес тәулік бола алады

Казино ойнауға келетін шетелдіктер үшін визасыз режим енгізіледі
фото: nalogikz

Қырғызстанда арнайы ойын аймағына баратын шетелдіктер үшін елге визасыз кіру ұсынылып отыр. Сәйкес заң жобасы қоғамдық талқыға шығарылды, деп хабарлады Elorda.info ҚазАқпарат-қа сілтеме жасап.

Шетелдіктерге Қырғызстан аумағындағы арнайы ойын аймағына бару үшін ғана виза рәсімдемей кіруге, шығуға, транзитпен жүруге, жүріп-тұруға рұқсат етіледі.

Казиноға келушілер Қырғызстанға келгеннен кейін төлқұжат бақылауынан өту кезінде тек жарамды жеке басын куәландыратын құжат көрсетуі керек.

Бұл ретте шетелдіктер уәкілетті мемлекеттік органда тіркеуден өтпей-ақ Қырғызстанда он бес тәулік бола алады.

Бұдан басқа, заң жобасында шетелдік азаматтар арнайы ойын аймағының шекарасын заңсыз кесіп өтсе, бір жылдан үш жылға дейінгі мерзімге түзету жұмыстары немесе 500-ден 1000 есептік көрсеткішке дейінгі айыппұл немесе екі жылға дейін бас бостандығынан айыру түрінде жазаға тартылатыны жазылған.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері