Нұр-Сұлтан 18°
×
14.02.2022, 17:00
Қызық па? Жаңалықты достарыңызбен бөлісіңіз!
Мақалада:

Өзге ғаламшар тұрғындарымен қалай байланысуға болады

АҚШ-тың Ұлттық ғылым академиясының мамандары (NAS) өзге ғаламшар тұрғындары қандай жол арқылы адамдармен байланысқа шығуы мүмкін екенін айтты, деп хабарлады Elorda.info The Sun басылымына сілтеме жасап.

Өзге ғаламшар тұрғындарымен қалай байланысуға болады
Фото: ашық дереккөз

Сайтта жарияланған ақпаратқа сүйенсек, ғалымдар Жерден басқа жерде өмір барына сенеді. 

Біздің галактикамыз миллиард галактиканың бірі ғана екенін ескерсек, онда ғаламда бізден басқа да өмір сүрушілер болуы әбден мүмкін деген қорытындыға келеміз, – дейді олар.

NAS жариялаған әдістердің бірі – лазерлер: қуатты импульстар өте алыс қашықтықтарға дейін жете алады. Астробиолог Дэвид Гринспунның пікірінше, дамыған цивилизациялар тіпті жұлдыздарды қозғалтуға қабілетті: 

Олар бүкіл галактикаға көрінетін, өте алыс қашықтықтан-ақ көзге бірден байқалып тұратын әлдебір дүниені сала алады және оның жасанды дүние екенін біз байқай аламыз, – дейді ол.

Мамандардың айтуынша, өзге ғаламшар тұрғындары алып белгілер арқылы біздің назарымды аударуы мүмкін. Мысалы, соңғы уақытта ғалымдардың назарын KIC 8462852 атты жұлдыз аударған болатын, ол түсініксіз себептермен күңгірттеніп, кейін қайтадан жарқыраған.

Тағы бір айта кетерлігі, өзгеғаламшарлықтар радиотолқынның көмегімен де белгі беруі ықтимал.

Бұдан олардың біз сияқты ойлап қана қоймай, біздегі бар технологияны пайдаланатынын да байқауға болады, – дейді NAS ғалымдары.

Биылғы сәуірде теориялық физика профессоры Мичио Каку өзге ғаламшар тұрғындарымен байланыс орнату қауіпті болуын ескерткен-ді. Какудың ойынша, жуық арада олармен байланыс орнату ықтималдығы өте жоғары болады.

Ең өзекті жаңалықтарды біздің Telegram арнамыздан және Facebook-тегі парақшамыздан қараңыз
Ақпарат ағыны

Елорда үздіктері